قرار المجلس الأعلى للجامعات بتدريب دورة التحول الرقمى

حبيت أنشر الكلام ده علشان كل الزملاء والزميلات يشاركونا فيه لانه هايأثر على الكل ، وكمان هايأثر على زملاءنا فى السنين اللى جاية .

قرار المجلس الأعلى للجامعات بتدريب دورة التحول الرقمى :

القرار ده زى ما هو موضح فى الصورة صدر فى ١٨ / ٧ / ٢٠١٩ م ، يعنى أول سنة هايطبق فيها هى سنتنا اللى زى الفل دى ، ولازم نعترض عليه وإلا مش هانعرف نعترض مرة تانية ولا هايكون فيه فرصة تانية لينا ، وزى ما بعض الزملاء ( احنا بتوع قانون ولازم نشتغل معاهم قانون ولابد من الذكر فى العريضة ان ذلك بيمثل ارهاق ماديا ومعنويا لطالب الماجستير 💼وان مايصدر من قرارات دون دراسة واخذ الرأى الهدف منه التعجيز ) .


طريق الطعن هو الأقرب والناجز لأن الجامعة لا تتراجع فى قرار يدر عليها دخلا والدليل ان العام السابق الجامعة أصدرت قرار بأنه حتى يتمكن طالب الدراسات العليا من استخراج شهادة الماجستير لابد من حصوله على شهادة اللغه من الجامعة بعد دفع مبلغ مالي تقريبا 450 ج وعدم الاعتراف بأي شهادة من اى جهة اخرى بعكس الأعوام السابقة واحتج الزملاء وفى النهاية أصبح قرار الجامعة نافذ الطعن على القرار  على أن يتضمن القرار شق عاجل بوقف تنفيذ قرار الجامعة لأن الشق العاجل أيضا هيوفر الوقت لأنه لا يشترط فيه اللجوء إلى لجنة فض المنازعات .